Со „фолксваген“ удрила во пешак на паркинг и побегнала

Пешак е повреден на паркинг на  бул. Партизански одреди во Скопје, кога на него удрило восило со шведски ознаки управувано од  непознато женско лице, соопшти полицијата.

Според, полицијата по несреќата жената која го управувала возилото го напуштила паркингот и го оставила повредениот  В.Т.(76) од Скопје.

На пешакот кој бил пренесен во Градската општа болница „Св.Наум Охридски“, му се констсатирани тешки телесни повреди.

Извршен бил увид на местото на незгодата од увидна екипа од СВР Скопје.

– Се преземаат мерки за расчистување на случајот“, велат од МВР.