СО ЕДНА ИЗЈАВА ЈА СОБОРИ КРЕДИТ СВИСС Претседателот на саудиската национална банка даде оставка

Претседателот на саудиската национална банка Амар ал Кудаири поднесе оставка од „лични причини“ бидејќи неговите изјави за банката Кредит Свисс (Credit Susse), како претставник на најголемот акционер во банката предизвикаа голем пад на вредноста на акциите на швајцарската банка, објави саудискиот регулатор.

Ал Кудаири во интервју на 15 март рече дека саудиската национална банка, најголемиот акционер на Кредит Свисс, нема да обезбеди дополнителни средства за проблематичната швајцарска банка, нејзините акции паднаа за повеќе од 30 отсто.

Набргу потоа, швајцарската централна банка ѝ додели  на банката  заем од 50 милијарди франци за да ги зајакне своите финансии.

Швајцарските власти подоцна постигнаа договор со најголемата швајцарска банка, UBS, за купување на Кредит Свисс по намалени цени во обид да се избегне банкарска криза.