Со цигла по туристите – каменуван и ограбен српски автобус во Скопје (ВИДЕО)
Сè уште не е утврдена причината за ваквиот вандалски чин. Полицијата во Македонија работи на расветлување на случајот.
Туристички автобус на српски автопревозник, кој превезувал руски туристи, бил каменуван и ограбен во Скопје, дознава Блиц.
Како што вели менаџерот за сообраќај на таа компанија за Блиц, руски граѓани патувале во земјите од регионот – Србија, Црна Гора, Албанија и Македонија. По пристигнувањето во Скопје, автобусот бил паркиран во центарот на градот, додека туристите и возачот заминале на ноќевање. Сепак, следниот ден, поточно утрово во 7 часот, се случил инцидент што ги вознемирил туристите и го загрозил патувањето.
Непознати сторители го оштетиле возилото и со цигли ги искршиле стаклата. Покрај тоа, бил провален автобусот и биле украдени личните работи на патниците и на возачите кои биле оставени во возилото.
Веднаш по пријавата, полицијата и екипата за форензика излегле на терен и извршиле увид.
На скршениот прозорец биле пронајдени траги од крв.
Сè уште не е утврдена причината за ваквиот вандалски чин. Полицијата во Македонија работи на расветлување на случајот.
Поради оштетувањето на автобусот туристите не можеле да продолжат со тоа возило, па по нив дошол друг автобус.
Видеото погледнете го тука.