СО АВТОМОБИЛ УДРИЛ ВО ПЕШАК И ПОБЕГНАЛ Скопјанец е тешко повреден во сообраќајка

Возач во Скопје со автомобил удрил во 53-годишен пешак, а потоа со возилото го напуштил местото на настанот.

„На 12 октомври 2024 година, во 15.06 часот во СВР Скопје, било пријавено дека на бул. Александар Македонски во Скопје, патничко возило удрило во пешакот Ј.Ф.(53) од село Горно Коњари, скопско, по што возачот со возилото го напуштил местото на настанот“, соопшти Министерството за внатрешни работи

Во несреќата со тешки телесни повреди се здобил пешакот, констатирани во Градската општа болница „Св.Наум Охридски“.

Се преземаат мерки за расчистување на случајот.