📽️ СЛАВНАТА ПЕЈАЧКА ОТКРИ ДЕКА ИМА РАК НА ДОЈКА Џеси Џеј ќе се оперира на 37 години
Во емотивно видео, таа им се обрати на своите следбеници и истакна дека долго време размислувала дали треба да ја сподели оваа вест со јавноста.
Британската пејачка Џеси Џ. (37) откри дека ѝ е дијагностициран рак на дојка во рана фаза.
Во емотивно видео, таа им се обрати на своите следбеници и истакна дека долго време размислувала дали треба да ја сподели оваа вест со јавноста.
„Сакам да ја споделам со обожавателите и луѓето на кои им е грижа за мене. Отсекогаш сум била личност која споделува сè што ѝ се случува. Пред да излезе песната ‘No Secrets’, ми беше дијагностициран рак на дојка во рана фаза“, рече Џеси на Инстаграм.
Таа стави посебен акцент на зборот „рано“, велејќи: „Ракот е ужасен во која било форма, но јас се држам до тој збор ‘рано’. Редовно правев прегледи и тестови во овој период.“
Таа објасни дека сака да биде искрена и отворена, не само за себе, туку и за другите.
„Искрено, себично, не зборувам доволно за тоа. Не го обработувам затоа што работам премногу. Знам колку ми помогна во минатото кога споделував тешки моменти. Луѓето потоа ме поддржуваа и ги споделуваа своите приказни“, рече пејачката.
View this post on Instagram
Во својот духовит стил, таа додаде дека „добива нова можност за зголемување на градите“.
„Многу драматичен начин да се зголемат градите. Ќе исчезнам малку по Летниот бал, кој се одржува на 15 јуни. Морам да се оперирам, а потоа ќе се вратам со огромни гради и повеќе музика“, се пошегува таа.
Во описот на видеото, Џеси понатаму размислуваше за своите чувства, признавајќи дека е тешко да се балансираат убавите моменти и личните борби.
„Шега настрана… Знаете дека хуморот е мојот механизам за преживување, но последните два месеци беа неверојатни. И паралелно со тоа беше и ова, кое ми даде посебна перспектива за животот. Но… На вашата девојка ѝ треба прегратка. Исто така, нема да добијам огромни гради. Или можеби ќе добијам? Не, не… Морам да се откажам од шегувањето“, напиша таа.
Во коментарите, бројни пријатели и обожаватели ѝ испратија пораки за поддршка и љубов.
Да потсетиме, Џеси Џеј доби син со своето момче Чанан Колман во 2023 година. Таа ја потврди веста со трогателно видео на Инстаграм со опис: „Сè уште не можам да верувам дека си мој, само се навикнувам на фактот дека јас сум твоја мајка“.