СКВЕРНАВЕЊЕТО НА МАКЕДОНСКОТО ЗНАМЕ ИМА ПОЛИТИЧКА ПОЗАДИНА Надлежните институции треба да ги казнат оние кои го кршат законот, реагира ВМРО-ДПМНЕ
Kриминалните банди, кои 20 години ги ограбија институциите и сите граѓани независно од етничката припадност, денес со овој однос покажаа дека за нив националните знамиња не се ништо друго освен обвивка со која мислат дека ќе избегнат кривична одговорност, соопшти партијата ВМРО-ДПМНЕ.
ВМРО-ДПМНЕ остро реагира и го осудува сквернавењето на македонското знаме кое се случи во текот на вчерашниот ден, соопшти партијата.
„Истовремено реагираме на навредливите скандирања и дивеења на неодговорни групи зад кои веруваме дека има и политичка позадина и кои преку етнички теми и поделби сакаат да се наметнат во јавниот дискурс во отсуство на реална политичка понуда. Законот мора да се почитува од сите подеднакво и очекуваме надлежните институции да ги санкционираат оние кои го кршат законот. Kриминалните банди, кои 20 години ги ограбија институциите и сите граѓани независно од етничката припадност, денес со овој однос покажаа дека за нив националните знамиња не се ништо друго освен обвивка со која мислат дека ќе избегнат кривична одговорност“, се наведува во соопштението на ВМРО-ДПМНЕ.
„Правдата доаѓа, се вели ви соопштението, а овие реакции се најголема потврда за нивниот страв.
„Ги повикуваме граѓаните, како и во минатото кога имало вакви обиди, да останат достоинствени и мудри бидејќи ова се само последни крици на еден криминален монструм кој ја понижи и ограби Македонија“, се додава во соопштението.