СКОПЈАНЕЦ ЗАВРШИ ВО ПРИТВОР Нападнал сограѓанин и му го кршел возилото во кое му биле жената и детето
На Б.Н. од страна на судија на претходна постапка при Основен кривичен суд- Скопје му е одредена мерка притвор, додаваат од МВР.
Скопјанецот кој завчера во Центар нападна сограѓанин и му го оштети автомобилот додека во него биле сопругата и малолетното дете на жртвата, е уапсен денеска, информираше МВР.
– Денеска од страна на инспектори од Одделението за насилен криминал при СВР Скопје од слобода е лишен Б.Н.(39), поради постоење основи на сомнение за кривично дело „насилство“ по чл.386 од Кривичниот законик. Тој на 10.05.2022 на подрачјето на Центар физички го нападнал Д.Ј. (34) од Скопје и му го оштетил неговото патничко возило, додека во него биле сопругата и малолетното дете – велат од полицијата.
Во координација со Јавен обвинител на 12.05.2022 од страна на полициски службеници од Единицата за насилен криминал – Одделение за насилен криминал, превземени се мерки и утврден е идентитетот на сторителот, а до ОЈО Скопје поднесена е кривична пријава по брза постапка. На Б.Н. од страна на судија на претходна постапка при Основен кривичен суд- Скопје му е одредена мерка притвор, додаваат од МВР.