📽️ СИТЕ СТАНАРИ СЕ ОТСЕЛИЈА, САМО СЕМЕЈСТВОТО БИЛАР ОСТАНА Тажната приказна за загинатите четири лица во урнатата зграда
Четири членови на семејството Билир загинаа при уривање на станбена зграда во Турција, додека 18-годишната Дилара е извлечена жива. Експертите истражуваат што предизвикало трагедијата.
Спасувачките екипи во Турција завршија со потрагата по семејството Билир, кое го зафати трагичен инцидент при уривање на станбена зграда. Претходно беа пронајдени телата на две деца – 12-годишниот Емир и неговата сестра Хајрусине (14), додека 18-годишната Дилара била извлечена жива од урнатините.
По 19 часот, спасувачите го извлекле и телото на родителите, Емина и Левент Билир. Причините за уривањето на зградата, што се случило вчера околу 7:30 часот по локално време, сè уште не се познати, соопштија локалните власти.
A residential building collapsed in #Kocaeli. According to preliminary reports, citizens are trapped under the rubble.#Turkey pic.twitter.com/IgNcoGlOAI
— Karina Karapetyan (@KarinaKarapety8) October 29, 2025
Пријателите и роднините беа во шок по трагедијата. Екрем Мараз, сопственик на продавница во близина, рече дека Левент бил нивен редовен клиент и дека семејството немало каде да се исели.
– Бидејќи не можеа да се забележат пукнатини во ѕидовите или столбовите, изведувачот и општинските службеници не рекоа ништо за затворање на зградата – истакна тој.
Другите жители сепак се иселиле, но семејството Билир останало во станот. Во урнатините беа пронајдени фотографии и предмети што му припаѓале на семејството, а една порака на ѕидот, посветена на 14-годишната Хајрусине, особено ги растажи сите: „Среќен роденден, наше средно дете“.
Gebze’de 7 katlı binanın yıkıldığı anlar ortaya çıktı; pic.twitter.com/fAAhPoOkOY
— Metropol Haber (@metropolmedya_) October 29, 2025
Експертите сега ги испитуваат урнатините за да ги утврдат причините за трагедијата.