СИТЕ СЕ ШОКИРАА КОГА ДОЗНАА КОЛКУ ГОДИНИ ИМА ШАКИРА „Зарем е можно да изгледа вака?“

Шакира настапи за време на историското прво полувреме од финалето на Светското првенство на стадионот „МетЛајф“ во Њу Џерси и уште еднаш докажа зошто е една од најголемите ѕвезди во светот.

Колумбиската пејачка се појави во впечатлив жолто-розов комбинезон со исечоци што ја истакнуваа нејзината беспрекорна фигура. Таа го изведе својот нов хит „Даи Даи“ боса, со атрактивна кореографија и танчери, и целосно ја освои публиката со својата енергија.

По настапот, социјалните мрежи беа преплавени со реакции од обожавателите кои не можеа да поверуваат колку младешки изгледа Шакира.

– Објаснете ми како на петгодишно дете како изгледа Шакира како да има 30 години, кога всушност има 49. Неверојатно! – напиша еден корисник на X.

Друг додаде дека „одбива да поверува дека Шакира има 49 години“, додека трет призна дека морал да ја провери нејзината возраст на Гугл.

Некои шпекулираа дека современите третмани и додатоците во исхраната би можеле да бидат одговорни за нејзиниот изглед, додека повеќето заклучија дека пејачката едноставно изгледа фантастично и дека годините кај неа речиси и не се забележуваат.

Шакира е мајка на два сина, 13-годишниот Милан и 11-годишниот Саша, кои ги има со поранешниот фудбалер Жерар Пике.

Покрај неа, во финалната програма се појавија и Џастин Бибер, Мадона и BTS, додека Пост Малоун, Никол Шерцингер, Џенифер Хадсон, Роби Вилијамс и Лаура Паусини учествуваа на церемонијата на затворањето.

Бројни познати личности го гледаа финале на трибините, вклучувајќи ги Том Круз, Тимоти Шаламет, Кајли Џенер, Мет Дејмон и Адриен Броди.

Сепак, и покрај импресивната листа на ѕвезди, најголемиот вирален момент на вечерта ѝ припадна на Шакира, чие појавување стана главна тема на социјалните мрежи.