📽📷 СИЛНО НЕВРЕМЕ ЈА ПОГОДИ БУГАРИЈА Две лица го загубија животот, Варна прогласи вонредна состојба
Снежен хаос владее и на североистокот од Бугарија како и во крајбрежниот дел на Романија, од каде полицијата добила десетици повици од возачи во неволја, а авионскиот и железничкиот сообраќај се во прекин.
Две лица загинаа во силното невреме што беснее викендов во Бугарија и во Романија. Невремето што предизвика соборени дрвја и прекин на електричната енергија на брегот на Црното Море каде беснеат бранови високи и до 5 метри, пренесуваат бугарските медиуми.
Во саботата вечерта, 43-годишна жена била здробена до смрт од паднато дрво во источниот град Варна, соопшти бугарската полиција. Повредени се и двајца спасувачи кога врз нив паднале скршени гранки.
65-годишен возач загина во Софија кога дрво паднало врз автомобилот во кој се наоѓал. Неговата сопруга е хоспитализирана во тешка состојба.
Иако денеска се смирува временската состојба во главниот град, источна Бугарија сè уште е изложена на силен ветер кој дува со брзина поголема од 100 км/ч и немирно море, со бранови над 5 метри.
Крајбрежниот град Варна прогласи вонредна состојба, како и осум други градови во регионот, а жителите беа предупредени да останат во своите домови
Снежен хаос владее и на североистокот од земјава, од каде полицијата добила десетици повици од возачи во неволја. Авионскиот и железничкиот сообраќај беа прекинати.
Истото невреме ја погоди и соседна Романија. Таму црноморските пристаништа се затворени за пловидба.
On Nov 18, 2023 it snowed heavily over mountainous and eastern parts of Romania with multiple reports of wind damage, road closures and accidents ❄️
The map below shows the depth of snow at 8 pm (local time) on Nov 18, 2023. pic.twitter.com/0BFUNRrYj8
— Thunder26 (@Thunder261) November 19, 2023
Метеоролошката служба издаде највисоко црвено предупредување за провинциите Констанца и Тулчеа.
Десетици илјади домови таму останаа без струја, а пожарникарите отстранија 140 дрвја кои паднале на патот. Оштетени се и четириесетина возила.