ШТО ЌЕ СЕ СЛУЧУВА СО ЦЕНАТА НА НАФТАТА? Русија до декември ќе го намалува производството за 300.000 барели дневно
Вицепремиерот на руската Влада, Александар Новак изјави дека во ноември ќе се направи нова анализа на пазарот, па ќе се донесе одлука за производството.
Русија ќе продолжи да ги намалува испораките на нафта на светските пазари за 300.000 барели дневно до крајот на декември, изјави вицепремиерот на руската Влада, Александар Новак.
Според него, властите во ноември ќе одлучат дали дополнително ќе го намалат или зголемат производството, а истото прашање ќе го разгледа и Саудиска Арабија.
Можеби ќе ве интересира
– Следниот месец ќе се изврши анализа на пазарот со цел да се донесе одлука за продлабочување на намалувањата или за зголемување на производството на нафта – рече Новак.
Тој додаде дека дополнителното намалување на производството е дизајнирано да ги зајакне мерките преземени од земјите на ОПЕК + за одржување стабилност и рамнотежа на нафтените пазари.