Шок за фановите на Надал – тенисерот боледува од ретка болест која ги напаѓа стапалата

Еден од најдобрите тенисери во светот, Рафаел Надал, страда од болест наречена Милер-Вајс, која сè уште не е позната за лекарите. Како што објавија шпанските медиумите, болеста ги напаѓа коските на стапалата, односно централниот дел на тој дел од телото, и предизвикува многу силна болка при ненадејни движења.

Според медиумите, Надал дознал за оваа болест уште во 2005 година.

– Тешко е да се заклучи дека ова е болест во рана фаза. Лекарите стануваат сигурни само кога таа напредува. Болката се појавува во средината и задниот дел на стапалото, овие делови отекуваат, а болката потоа се пренесува нагоре, преку глуждот до коленото. Додека пациентот оди или трча, ситуацијата се влошува – објасниле лекарите за шпанските медиуми.