📽️ ШОК НА ОСКАРИТЕ, ГОЛДИ ХОУН НЕ МОЖЕШЕ ДА ГО ПРОЧИТА ИМЕТО НА ПОБЕДНИКОТ „Јас сум целосно слепа“

Холивудската актерка Голди Хоун, заедно со помладиот колега Ендру Гарфилд, ја додели статуетката за најдобар анимиран филм на годинашното 97. издание на филмските награди Оскар.

Она што ја изненади публиката беше нејзиното признание дека се соочува со влошена здравствена состојба откако не можеше да го прочита текстот на телепромптерот.

Andrew Garfield and Goldie Hawn presenting best animated film pic.twitter.com/bYAXTP7F6O

— Linny (@murderesselinny) March 3, 2025

„Имав толку среќа да снимам филмови и да ги насмеам луѓето. Можеби некои од нив не успеав да ги насмеам, но тоа е во ред. Во меѓувреме…“, рече таа и застана. Потоа се сврте кон Гарфилд и му рече: „Добро. Мил мој, дали можеш да го прочиташ ова? Јас не можам. Јас сум целосно слепа. Мислам, навистина сум“.

Голди потоа откри дека има катаракта, болест која настанува како резултат на заматувањето на леќата на окото, при што тоа доведува до намалување на видната острина. Гарфилд отсечно ѝ одговори: „Во ред, не грижете се“.

Пред Хоун да открие дека има проблеми со видот, Гарфилд ја воодушеви со својот говор. Ја расплака откако откри колкаво влијание имала актерката врз неговата покојна мајка. Гарфилд ѝ се заблагодари на Голди што ѝ донела „најголема радост и утеха“ на неговата мајка Лин, која почина во 2019 година по битка со ракот.

Andrew Garfield to Goldie Hawn: “There’s a person that gave my mother during her life the most joy, the most comfort and tonight I feel very lucky because I get to thank that person from the bottom of my heart. That person is Goldie Hawn.”#Oscarshttps://t.co/nl9CxOviL4 pic.twitter.com/ZECLT3Imk4

— ABC News (@ABC) March 3, 2025

„Можам ли да ви кажам нешто? Постои личност која на мајка ми ѝ даваше најмногу радост и утеха во текот на нејзиниот живот, а вечерва сум пресреќен што можам да ѝ се заблагодарам на таа личност од се срце“, започна тој, откривајќи дека таа личност е Голди.

„Ни подаривте филмови полни со радост, ни го подигнавте расположението и нè натеравте да се чувствуваме дека се е во ред со светот“, додаде тој.

Голди беше видно трогната од неговото признание и не можеше да ги задржи солзите.

„Ти благодарам многу, ова навистина ме трогна“, рече таа, а потоа го започна својот говор во кој откри дека се бори со нарушување на видот.