ШОК И ОЛЕСНУВАЊЕ Реакции од лидери на повеќе земји по пукањето на вечерата на Трамп со медиумите

Лидери на повеќе земји  се шокирани и изразија олеснување денеска откако осомничениот напаѓач беше приведен по пукањето на гала вечерата за новинари во Вашингтон, на која присуствуваше и американскиот претседател Доналд Трамп.

Додека годишната вечера на постојаните новинари од Белата куќа се одржуваше синоќа во хотелот Вашингтон Хилтон, одеднаш се слушнаа истрели, што ги натера безбедносните сили брзо да ги евакуираат Трамп, неговата сопруга и други високи функционери од салата.

Британскиот премиер Кир Стармер рече дека е „огромно олеснување“ што претседателот, првата дама и сите присутни се „безбедни“.

„Шокиран сум од сцените на гала вечерата на дописниците од Белата куќа во Вашингтон. Секој напад врз демократските институции или врз слободата на печатот мора да биде осуден на најсилниот можен начин“, напиша тој на платформата X.

I am shocked by the scenes at the White House Correspondents’ Dinner in Washington overnight.

Any attack on democratic institutions or on the freedom of the press must be condemned in the strongest possible terms.

It is a huge relief that @POTUS, the First Lady and all those…

— Keir Starmer (@Keir_Starmer) April 26, 2026

И Емануел Макрон го осуди „неприфатливиот“ напад што се случи во неделата и пукањето, изразувајќи ја својата „целосна поддршка“ за Доналд Трамп, кој беше брзо евакуиран од просторијата за време на инцидентот.

Вооружениот напад врз претседателот на Соединетите Американски Држави што се случи синоќа е неприфатлив. „Насилството нема место во демократијата“, напиша францускиот претседател на X. „Ја изразувам мојата целосна поддршка за Доналд Трамп“.

Шпанскиот премиер го осуди, како што рече, „нападот врз претседателот Трамп“. „Насилството никогаш не е одговор“. Човештвото ќе напредува само преку демократија, коегзистенција и мир“, напиша Санчез на X.

Condenamos el ataque que se ha producido esta noche contra el presidente @realDonaldTrump.

La violencia nunca es el camino. La humanidad solo avanzará a través de la democracia, la convivencia y la paz.

— Pedro Sánchez (@sanchezcastejon) April 26, 2026

Израелскиот премиер Нетанјаху, близок сојузник на Трамп, исто така рече дека тој и неговата сопруга се „шокирани од обидот за атентат“ врз Трамп.

„Олеснети сме што претседателот и првата дама се безбедни и здрави“, напиша тој на X, пофалувајќи ја американската тајна служба за нејзиниот „брз и решителен“ одговор.

Канадскиот премиер Марк Карни, кој беше меѓу првите што реагираа на драматичните настани во американската престолнина, изрази олеснување што сите сега се безбедни.

„Политичкото насилство нема место во ниедна демократија и моите мисли се со сите што беа потресени од овој вознемирувачки настан“, напиша тој на платформата X.

Мексиканската претседателка Клаудија Шајнбаум, исто така, напиша порака за поддршка на X.

„Насилството никогаш не смее да биде одговор“, напиша таа.