ШОЈГУ АПСИ ВАГНЕРОВЦИ, НО САМИОТ ЌЕ БИДЕ ЖРТВА? Раскол во руската војска поради неуспешната мобилизација

Сергеј Шојгу, министерот за одбрана на Русија ќе стане жртвено јагне на Владимир Путин и ќе биде обвинет за неуспесите во мобилизацијата со кои деновиве се соочува земјата. Вака прогнозира познатиот американските Институтот за проучување на војната (ИСВ) во својот најнов извештај. Незавидната позиција во која е Шојгу не го спречува министерот да апси членови на групацијата „Вагнер“ среде Москва. Се одмаздува ли Шојгу за нешто?

🧵#Prigozhin‘s propagandist Alexey Slobodenyuk who’s been attacking Shoigu online arrested in #Moscow by SOBR Rosgvardia spetsnaz unit. SOBR are highly loyal to Putin. That this arrest was not made by the FSB, as you’d expect, is indicative of internal power struggle & distrust. pic.twitter.com/8yQLu2M1Mz

— Igor Sushko (@igorsushko) October 5, 2022

Видеото од апсењето од еден од лидерите, Алексеј Слободењук, стана вирално. Некои велат дека налогот е даден од Путин кој сега се пресметува со неистомислениците. Освен како војник, Слободењук е вработен во медиумската група „Патриот“, која води мрежа на канали „Телеграм“ и е позната по тоа што го критикува Шојгу, портпаролот на Кремљ, Дмитриј Песков и други. Токму тоа на интернет се наведува како причина за апсењето.

„Пропагандистот на Пригожин(готвачот на Путин) кој го напаѓа Шојгу на Интернет беше уапсен во Москва од СОБР Росгварди. СОБР се многу лојални на Путин. Дека ова апсење не го извршила службата ФСБ, како што би очекувале, укажува на внатрешна борба за моќ и недоверба меѓу службениците“, се вели во видеото од апсењето.

Вакви политички пресметки зборуваат за раскол и фракции во руската војска. Институтот ИСВ оди и понатаму пишувајќи дека чистката може да стигне до „радикалните елементи на базата на Путин“, вклучувајќи го и чеченскиот лидер Рамзан Кадиров.

„Најавата на Кадиров дека Путин му го доделил чинот генерал-полковник укажува на подготвеноста на Путин да ја смири базата силовики, која почна жестоко да ја критикува позицијата на Министерството за одбрана“, открива ИСВ.

Слично на Кадиров, групацијата Вагнер беше пратена во Украина за да ги лови главите на познати воени генерали, политичари и да изврши атентат на самиот Зеленски. Групацијата не е официјално дел од руската војска, но е составена од платеници и професионалци. Неодамна, се појави видео во кое лидерот Пригожин регрутира руски затвореници во групата велејќи им дека по 6 месеци служба ќе станат слободни.

Институтот прогнозира и дека украинската контраофанзива на југот ќе продолжи и дека уште не го достигнала врвот.

„Украинската контраофанзива во областа Харков сè уште не кулминирала, еден месец по успешните операции, а сега се движи кон Луганск“, вели извештајот.