СЕВЕРЕН ВЕТЕР ЌЕ ДОНЕСЕ СНЕГ НА ПОВИСОКИТЕ МЕСТА Мраз и студ од следната недела
Во Скопје времето ќе биде облачно, претпладне со повремени врнежи од дожд.
Времето утре ќе биде променливо облачно со повремени локални врнежи од дожд, особено во источните делови, најавува Управата за хидрометеоролошки работи.
На планините и на некои од повисоките места врнежите ќе бидат од снег. Ќе дува слаб до умерен ветер од северен правец.
Најстудено утрото ќе биде во Маврово, каде температурата ќе се спушти до минус 1, а најтопло ќе биде во Гевгелија со дневна температура до 9 степени Целзиусови.
Во Скопје времето ќе биде облачно, претпладне со повремени врнежи од дожд. Ќе дува слаб до умерен ветер од северен правец. температурата ќе се движи од 3 до 6 степени.
Од петок ќе има стабилизирање на времето.
Во деновите од викендот, а особено во првите денови од следната седмица утрата ќе бидат ведри и студени со утрински температури кои насекаде ќе бидат под нулата.
