📽️ СЕСТРАТА НА КИМ ЏОНГ УН ПРВПАТ ВИДЕНА СО ДЕЦА Странски агенти тврдат дека тоа се нејзини потомци
Во моментов нема официјални информации кои го потврдуваат нејзиниот брачен статус, бременост или раѓања.
Јужнокорејската разузнавачка агенција денеска објави дека е можно две деца, кои неодамна беа видени покрај сестрата на севернокорејскиот лидер Ким Јо Јонг, да се нејзини деца.
На видеото од новогодишниот настап емитувано на севернокорејската телевизија во средата се гледа како Ким Јо Јонг држи за рака момче додека девојче стоело до неа, објави Јонхап.
Таа снимка предизвика шпекулации дека тие деца би можеле да бидат нејзини потомци.
„Во тек е прецизна анализа и постои можност децата да се на Ким Јо Јонг“, изјавија за Јонхап од јужнокорејската Национална разузнавачка служба (НИС).
Севернокорејскиот лидер беше на настанот со својата ќерка Џу Ае.
Во април 2015 година, NIS објави дека Ким Јо Јонг се очекува да се породи следниот месец.
Подоцна во 2018 година, владин извор изјави дека таа била бремена за време на посетата на Јужна Кореја во февруари истата година, кога присуствувала на Зимските олимписки игри во округот Пјонгчанг.
Сепак, нема официјални информации кои го потврдуваат нејзиниот брачен статус, бременост или раѓања.