Села: Бугарија треба да го признае македонското малцинство

Претседателот на Алијансата за Албанците Зијадин Села верува во самоопределувањето на секој граѓанин и за тоа вели дека не треба да има дилема. Однесувањето на Бугарија за него е недозволиво во 21 век.

– Ако се земе предвид што се бара од страна на Бугарија, мислам дека не треба тоа да е однесување на земја членка на ЕУ, но во ЕУ има многу членки кои спречуваат нивните соседи да бидат признаени, кои се теми од почетокот на 20. век. Верувам во самоопределување на секој граѓанин на земјината топка, тука не треба да има дилеми. Кога даваме вакви изјави, треба да дозволиме и другите да се чувствуваат онака како што се чувствуваат. Тоа би било добар почеток за добрососедство, тоа треба да се нашите позиции, кога добрососедството е еден од главните приоритети, мислам дека соседите треба да се признаат едни со други, треба соседите да си ги признаат малцинствата, тоа е право на секој граѓанин – вели Села за ТВ24.