СЕГА Е НАЈГОЛЕМА ОПАСНОСТА ОД ЕСКАЛАЦИЈА НА ВОЈНАТА Орбан стравува за Унгарија поради состојбата во Украина
Унгарскиот премиер, Виктор Орбан, изјави дека во наредниот период Будимпешта ќе мора да вложи максимално дипломатско искуство и ресурси за да не биде вовлечена во украинскиот конфликт.
По одлуката на Вашингтон да му дозволи на Киев да користи западно оружје со долг дострел за напади врз цели на територијата на Русија, како и по и обновената руска нуклеарна доктрина, опасноста од ескалација е максимално зголемена, изјави унгарскиот премиер Виктор Орбан.
Во следните недели и месеци, додаде тој, Будимпешта ќе мора да вложи максимално дипломатско искуство и ресурси за да не биде вовлечена во конфликтот во Украина.
Орбан претпладне одржа седница на Советот за одбрана.
– Со победата на претседателот Трамп на претседателските избори во САД, мирот или барем прекинот на огнот се чинеше опиплив, но провоената влада сè уште е на власт во Америка уште два месеца. Практично, тоа значи дека Украинците вчера истрелаа ракети со долг дострел на руска територија, а Русите одговорија со усвојување на обновена нуклеарна доктрина. Го слушнав извештајот на Советот за одбрана. Опасноста од ескалација на војната никогаш не била толку голема – рече Орбан.
САД ПРИВРЕМЕНО ЈА ЗАТВОРИЈА АМБАСАДАТА ВО КИЕВ Се очекува голем руски напад