Се враќа „отровната комета“ – последен пат нè посетила кога Египќаните ги граделе пирамидите
Кометата на 27 мај ќе помине покрај Земјата на оддалеченост од околу 117 милиони километри, а на 31 мај ќе се приближи до Сонцето и Меркур – планетата која што е најблизу до срцето на нашиот Сончев систем.
Љубителите на астрологијата наскоро ќе можат да уживаат во еден голем спектакл, бидејќи древната комета која илјадници години не е видена во близина на Земјата, за скоро време ќе помине покрај нашата планета. Се очекува до крајот на април кометата да стане блескава како ѕвезда.
Како што објаснува Људмила Кошман, астроном во Московскиот планетариум, кометата „C/2019l4 Atlas“, чие јадро содржи отровно хемиско соединение наречено цијаноген, последен пат го посетила нашиот сончев систем пред 4 милениуми пред нашата ера, односно кога во Египет се граделе пирамидите.
– Тоа можеби ќе биде најсјајната појава на нашето небо во последните седум години. Поради соларниот ветер, кометата почнува да развива две опавчиња – едно гасовито, а друго прашкасто – кои ѝ даваат посебен спектакуларен изглед – рекла Кошман.
Според неа, кометата на 27 мај ќе помине покрај Земјата на оддалеченост од околу 117 милиони километри, а на 31 мај ќе се приближи до Сонцето и Меркур – планетата која што е најблизу до срцето на нашиот Сончев систем.