СЕ СЛУЧУВААТ ЧУДА Двајца браќа спасени по 181 час под урнатините, шестгодишно девојче извлечено живо по 178 часа

Спасувачките екипи извлекоа две момчиња од урнатините на една зграда, браќата Харун и Ејуфан Шерифоглу, по неверојатни 181 час по разорните земјотреси што ги погодија јужните региони на Туркије.

Успешната спасувачка операција беше спроведена осмиот ден по земјотресот во центарот на Антакија во Хатај, каде што спасувачите најпрвин ги лоцираа осумгодишниот Харун и 15-годишниот Ејуфан, а потоа ги извлекоа од под урнатините на објектот.

Спасувачите ги предале момчињата на екипа на Брза помош која им пружила прва помош, а потоа ги однела во болница.

Вујкото на спасените момчиња, Рамазан Шерифоглу, за новинарот на Анадолија изјави дека нивната мајка починала, а која е погребана денеска, додека нивниот татко сѐ уште не е погребан.

– Заборавивме на сѐ кога ја слушнавме веста дека се живи и кога ги видовме. Ова е голема радост за нас, празник, го славиме животот – рече Шерифоглу.

Денеска во разурнатиот од земјотресот Хатај е спасено и 12-годишно момче по име Кан.

Припадниците на противпожарната единица на Град Кочели под урнатините пронашле 12-годишно момче. Момчето веднаш по извлекувањето добило лекарска помош.

 

In Adıyaman, a 6-year-old girl was rescued after lying under the ruins for 7 days. pic.twitter.com/tVUkC4clRC

— Mike (@Doranimated) February 13, 2023

Во јужниот турски град Адијаман е спасено шестгодишно девојче, јави агенцијата „Анадолија“. По извлекувањето, спасувачите и народот наоколу, кој помага восхитен од успешната спасувачка акција и извикуваше „Господ е голем“.

 

In Adiyaman, a 6-year-old girl was rescued after 178 hours under the rubble.

Allahu Akbar #SahabatPalestina_ID pic.twitter.com/tqKHQlwhy3

— Anatolian Tiger (@HarimauAnatolia) February 13, 2023

Таа била пронајдена под урнатините во зградата во Адијаман дури 178 часа по катастрофалниот земјотрес.

На социјалната мрежа твитер од истиот град Адијаман е објавена снимка од спасувањето на 35 годишен маж од под урнатините.

 

Miners rescued a 35-year-old man from the rubble of an eight-storey building in Adiyaman province at the 177th hour following the #TurkiyeQuakes

Read more: https://t.co/l4gWgOGz0d pic.twitter.com/mBhaygEV9R

— TRT World (@trtworld) February 13, 2023

Спасувачките екипи продолжуваат со потрагата по преживеани по разорниот земјотрес што пред седум дена погоди десет градови во Туркије.