СЕ СЛУЧУВА НЕШТО ЛОШО! Најновото предупредување од епидемиолог Ентони Фаучи!
Фаучи, исто така, предупреди дека делта сојот на коронавирус може да мутира во други варијанти што би можеле да ја избегнат ефикасноста на вакцините.
Највисоките здравствени службеници во САД издадоа нови предупредувања за ширење на делта сојот на коронавирусот низ целата земја, додека во јавноста се слушаат сѐ поголем број повици за воведување задолжителна вакцинација.
– Нешто лошо се случува. Мораме да го разбереме тоа – рече д-р Ентони Фаучи, водечки американски епидемиолог и медицински советник на претседателот Џо Бајден, за Ен-Би-Си.
Фаучи рече дека не очекува да се воведе задолжителна вакцинација на национално ниво, но додаде дека штом регулаторите во Администрацијата за храна и лекови дадат целосно одобрување за употреба на вакцини против коронавирусот, веројатно во следните неколку недели, тој силно ќе ги поддржи универзитетите, компаниите и другите локални бизниси да воведуваат задолжителна вакцинација.
Според податоците на владата, повеќе од 166 милиони Американци се целосно вакцинирани против коронавирусот. Тоа е едвај половина од населението, а децата на возраст од 12 години и помлади допрва треба да бидат целосно одобрени за вакцинација.
Иако бројот на случаи со ковид-19 е зголемен во Флорида и Тексас, две клучни американски држави со високи стапки на инфекција, нивните републикански гувернери, Рон ДеСантис и Грег Абот, останаа категорични во спротивставувањето на задолжителната вакцинација или носењето маски, тврдејќи дека ги кршат индивидуалните слободи на луѓе.
Сепак, републиканскиот гувернер Ејс Хачинсон од Арканзас, држава со ниска вакцинација со зголемен број инфекции, за Си-Би-Ес рече дека погрешил претходно оваа година што потпишал забрана за маски за лице.
Ренди Вајнгартен, претседател на Американската асоцијација на наставници, вториот по големина синдикат на наставници во Соединетите држави, за Ен-Би-Си изјави дека е неопходно да се работи со вработените на задолжителна вакцинација како прашање на лична совест.
Повеќе од 100.000 Американци се заразуваат дневно поради високо преносителната делта варијанта на коронавирусот, што е 10 пати повеќе отколку во последните неколку недели. Фаучи ја нарече „пандемија на невакцинираните“.
Тој, исто така, предупреди дека делта сојот на коронавирус може да мутира во други варијанти што би можеле да ја избегнат ефикасноста на вакцините.