СЕ ПРОДАВА 128-ЦАТА НА МАРАДОНА Со години скапувала во кокошарник, а сега вреди цело богатство (ФОТО)

Во далечната 1982 година, еден од најдобрите фудбалери на сите времиња, Диего Армандо Марадона, со многу страст го купил својот прв автомобил, а ни повеќе, ни помалку – Фиат 128, позната кај нас како „стодваесетиосмица“, слична на „стоеден“, ама со правоаголен багажник.

Токму тој автомобил во 2003 година бил пронајден во еден кокошарник во предградието на Буенос Аирес, Аргентина, а го пронашол Мартин Вароне, колекционер на автомобили, кој сега го продава возилото на аукција.

Марадона многу ретко го возел овој автомобил, со оглед на тоа што бил зафатен со кариерата, а по трансферите во Барселона и во Наполи имал доволно пари за да си го купи секој луксузен автомобил што ќе го посака.

Па така, 128-цата останала заборавена, сè додека Вароне не ја извлекол од кокошарникот. Новиот сопственик подолго време го чекал вистинскиот момент за негова продажба и решил тоа да го стори една година по смртта на легендарниот фудбалер.

Новиот сопственик на овој Фијат 128 ќе добие и дигитален ваучер како доказ за автентичноста на автомобилот.

Интересен е податокот дека стариот автомобил на Марадона може да се купи само со криптовалути, а почетната цена е околу 400.000 долари. Акцијата ќе биде отворена со 15 февруари 2022 година.

24.12.1982. En la Nochebuena del 82’, con 22 pirulos, Diego Armando Maradona adquiere su primer 0km.: un FIAT 128. Chapa patente de Capital 1129805. Hace unos años fue recuperado en Salto, provincia de Bs. As., ¡el coche estaba tirado en un campo y tenía gallinas sobre el techo! pic.twitter.com/T6Yny0tAHi

— Facundo Terrés Grimaldi (@OffsideStats) December 24, 2021