Се породи Пипа Мидлтон, бебето доби име во чест на нејзината сестра Кејт
Пипа Мидлтон (37), помладата сестра на војвотката од Кембриџ, Кејт Мидлтон (39), на 15 март го роди своето второ дете.
Сестрата на Кејт Мидлтон и нејзиниот сопруг Џејмс Метју (45) добија ќерка, а девојчето го доби името по нејзината тетка Кејт.
Имено, полното име на војвотката од Кембриџ е Кетрин Елизабет Мидлтон, па девојчето на Пипа беше именувано Грејс Елизабет Џејн.
Ќерката на Пипа имала три килограми при раѓање, а странските медиуми пишуваат дека сестрата Кејт Мидлтон и бебето се чувствуваат добро.
Мајката на Кејт и Пипа пред околу десетина дена откри дека нејзината помлада ќерка е бремена, па оваа вест беше вистинско изненадување.
Името на девојчето ја продолжило семејната традиција, бидејќи Елизабет е средно име и на Кејт и на нивната мајка Керол.
Името за само неколку часа доби позитивни оценки на социјалните мрежи, пренесуваат странските медиуми.
Инаку, Пипа и Џејмс во октомври 2018 година го добија синот Артур Мајкл Вилијам Метју, а според странските медиуми, сестрата на војвотката од Кембриџ живее мирен семеен живот.
Да потсетиме, Пипа и Џејмс се венчаа во мај 2017 година во црквата Сент Марк во Енглефилд, а децата на принцот Вилијам и Кејт Мидлтон, принцот Џорџ (7) и принцезата Шарлот (5) беа девер и деверуша на свадбата.