📷 📽️ СЕ ОЖЕНИ СИНОТ НА ДАНИЕЛ ПОПОВИЌ Себастијан пред девет месеци се вљубил во стјуардесата Магдалена

Синот на пејачот Даниел Поповиќ, Себастијан, викендов се ожени со стјуардесата Магдалена Кипсон, која ја запознал пред девет месеци.

Себастијан е син на Даниел Поповиќ и неговата поранешна сопруга Сања Бједов.

И младоженецот и Даниел споделија фотографии и видеа од свадбената церемонија.

Младенците го заиграле првиот танц на песната „Све си ми ти“ од Владо Георгиев. Судејќи по фотографиите и видеата, сите блескале од среќа, а атмосферата на свадбата била одлична.

Во еден момент гостите ги забавувал и Даниел.

Себастијан во август оваа година изјавил дека знаел дека Магдалена е вистинската штом ја запознал.

„Тргнав на службено патување во Берлин и се сретнавме во авионот. Таа работеше како стјуардеса и јас ѝ го побарав бројот на мобилниот телефон и истиот ден испивме пијалак во Берлин и така некако се роди нашата љубов“, изјавил тој за „ИН Магазин“.

„Кога ќе почувствувате дека тоа е тоа и ќе почувствувате дека моментот е вистинскиот, нема што да чекате, некој ќе рече дека е пребрзо, некој ќе рече дека така треба да биде, но кога знаете дека тоа е тоа, нема што да се чека“, заклучил тој.

Меѓу гостите имало и многу познати личности, па со среќната двојка славеле поранешната мис на Југославија Ана Сасо, сопругата на покојниот Рајко Дујмиќ, Снежана Дујмиќ, и многу други.

Фото: Принтскрин/Фејсбук