СЕ ИЗЛЕА МАРКОВА РЕКА Поплавени се куќи и магацини, патиштата се блокирани
Железничкиот сообраќај е во прекин. Автобусот со број 70 сообраќа до почетна/крајна станица Дризла, а автобусот со број 33 преку населба Драчево во двете насоки.
Маркова река ноќеска се излеа преку мостот кај Љубош и низводно при што поплави неколку куќи, магацини и индустриски објекти во селата Студеничани и Батинци, како и делови кон Пинтија, информираат од Центарот за управување со кризи.
Поплавен е и дел од булеварот Борис Трајковски кај населбата Пинтија, каде има поплавени магацини.
На терен се службите на општините Студеничани иопштината Кисела Вода како и екипи на фирмите
Во Општина Аеродром локалните служби интервенираат по пријавите за поплавени куќи во Горно Лисиче.
Активирани се и противпожарните служби на Град Скопје и екипи на јавните претпријатија на градот.
АМСМ информира дека се непроодни локалниот пат од Горно Лисиче кон Долно Лисиче и првиот мост во село Батинци.
ЈСП Скопје соопшти дека поради поплавите од Маркова река, автобусот со број 70 сообраќа до почетна/крајна станица Дризла и автобусот со број 33 преку населба Драчево во двете насоки.
Македонски железници известуваат дека железничкиот патнички и товарен сообраќај, од 22:50 часот е во прекин во правец на Лисиче и Драчево и обратно, додека патничкиот сообраќај се одвива преку станицата Трубарево.