Се чека мислењето на Комисијата за заразни болести за моделот на организирање на наставата во училиштата
Врз основа на мислењето на Комисијата ,владата ќе одлучи каков модел ќе прифати за спроведување на наставата во основните и средните училишта.
Владата ќе го чека мислењето на Комисијата за заразни болести за Планот за одржување на наставата во училиштата во учебната 2020/2021 година на Министерството за образование и наука, па ќе одлучи каков модел ќе се користи за организирање и спроведување на наставниот процес во основните и средните училишта.
Вака одлучила владата на денешната седница на која ја разгледа и усвои Информација со План за одржување на наставата во училиштата во учебната 2020/2021 година на Министерството за образование и наука.
– Владата донесе заклучок таа да биде споделена со Комисијата за заразни болести, по што врз основа на мислењето на Комисијата ќе биде донесена одлука за моделот за организирање и спроведување на наставниот процес во основните и средните училишта – информираат од владината пес-служба.