СЕ ЈАВИ И ЉУПЧО ПУТЕРОТ, СЕ ТОПИ НА ЖЕШКОВО Спреми се да одговараш, нема Коцевски да те штити долго, му порачува Трипуновски

Министерот за земјоделство, шумарство и водостопанство, Цветан Трипуновски, јавно му возврати на поранешниот министер за земјоделство од СДСМ, Љупчо Николовски, во жестока реакција исполнета со обвинувања за корупција и криминал.

„Се јави Путерот, но веројатно со жешкото време се растопил, па замириса на мувла и криминал, кој го крие,“ напиша Трипуновски во својата реакција, упатувајќи му на Николовски да даде одговори за, како што вели, коруптивните договори и истрагите што ги чекаат кај главниот обвинител.

Во продолжение, Трипуновски детално ги наброја достигнувањата на актуелната влада во земјоделството:

– Исплатени се сите заостанати субвенции кои претходно не биле исплаќани со години.

– Земјата се распределува кај вистинските земјоделци, а не кај партиски пајташи кои ја земале за да ја издаваат во подзакуп.

– Земјоделците имаат пристап до сите програми, без посредници кои ќареле.

– Решен е откупот на сите земјоделски култури, спречувајќи производи да скапуваат на нивите.

– Откупните цени се на историски максимум.

– Се инвестира во системи за наводнување.

– Земјоделците имаат партнер во Министерството за земјоделство.

– Зголемено е производството на речиси сите земјоделски култури.

– Зголемен е извозот и девизниот прилив од земјоделски производи и преработки.

– Земјоделците имаат предвидливост во земјоделските политики и можат да планираат инвестиции на среден и долг рок.

Трипуновски го заврши својот настап со појаснување дека Николовски никогаш не работел во земјоделството и дека во времето кога го водел министерството бил под влијание на бизнис интересите на Заевци и блиски фирми.