СЕ АПСАТ ПОЛИЦАЈЦИ И ЗАТВОРСКИ ЧУВАРИ Голема полициска акција во струмичко-гевгелискиот регион
Иако деталите за оваа акција сѐ уште се чуваат во тајност, јасно е дека станува збор за координација на голем број полициски единици и дека се претресуваат повеќе локации, велат извори од МВР за Плусинфо.
Во тек е масовна акција на полициските сили во струмичко-гевгелиско регион, потврдуваат извори од МВР за Плусинфо. Акцијата е под водство на Специјализираното јавно обвинителство за гонење на кривични дела сторени од лица со полициски овластувања и припадници на затворската полиција.
Според информациите од МВР, акцијата има за цел да ги расплете нишките на сериозен криминален случај кој веќе подолго време е под лупа на правосудните органи. Иако деталите за оваа акција сѐ уште се чуваат во тајност, јасно е дека станува збор за координација на голем број полициски единици и дека се претресуваат повеќе локации.
Специјализираното јавно обвинителство, кое е надлежно за гонење на најтешките кривични дела, со оваа акција покажува дека е одлучно да се бори против организираниот криминал и корупцијата.
Со детали полицијата и обвинителството ќе излезат во текот на утрешниот ден, велат нашите извори од МВР.