СДСМ Е СИНОНИМ ЗА КОРУПЦИЈА Народот плаќаше поскапа струја додека елитата се богатеше, велат од ВМРО-ДПМНЕ

ВМРО-ДПМНЕ обвинува дека СДСМ продолжува да биде синоним за корупција и уништување на институциите, реагирајќи на обелоденетите случаи на криминал во енергетскиот сектор. Според партијата, злоупотребите изнесуваат милиони евра, што, како што велат, ги плаќаат граѓаните преку повисоки сметки за струја.

„Седум години РЕК Битола беше пустошен од раководството на СДСМ, со матни тендери и испумпување милиони. Ова директно резултираше со поскапи сметки за електрична енергија“, велат од ВМРО-ДПМНЕ, алудирајќи на неодамнешното откритие за криминални шеми вредни 6,5 милиони евра.

Партијата посочи дека, и покрај обвинувањата, СДСМ не се дистанцира од своите поранешни кадри во енергетскиот сектор.

„Неоткажувањето од Васко Ковачевски и другите одговорни за милионските злоупотреби е доказ дека украдените средства се делеле на братски начин“, потенцираа од партијата.

ВМРО-ДПМНЕ ги повика институциите на итна акција за расветлување на сите случаи и воведување на одговорност за учесниците во, како што велат, „милионските грабежи“.