САКАМ ЦЕЛА МАКЕДОНИЈА ДА УЖИВА СО МЕНЕ НА МАРАТОНОТ Дарио Ивановски очекува утре да го истрча својот најдобар резултат

Македонскиот олимпиец Дарио Ивановски утре наутро ќе трча маратон низ улиците на Париз.

– Целиот мој живот се подготвувам за овој настан. Овие три недели одлично ја темпирам формата. Може да кажам дека мојата форма се зголеми и енергијата е прекрасна со сите спортисти околу мене. Се чувствувам подготвено за утрешниот маратон. Очекувам да бидам во првата половина и да истрчам најдобра трка. Сакам цела Македонија да ужива со мене на олимписката трка – изјави Дарио.

Трката почнува утре во 8 часот наутро.

Дарио Ивановски постави нов македонски рекорд од 2 часа 8 минути и 25 секунди на маратонот во Севилја, Шпанија, во февруари годинава.