САД САКААТ МИР ВО УКРАИНА Трамп лично нѐ информираше за разговорот со Путин, сподели Фон дер Лајен
Трамп за разговорот го информирал и францускиот претседател Емануел Макрон, италијанската премиерка Џорџа Мелони, финскиот претседател Алекс Стуб и германскиот канцелар Фридрих Мерц.
Претседателката на Европската комисија, Урсула фон дер Лајен, вечерва изјави дека американскиот претседател Доналд Трамп го информирал неа, другите лидери на Европската Унија, како и украинскиот претседател Володимир Зеленски, за содржината на неговиот телефонски разговор со рускиот претседател Владимир Путин.
„Сакам да му се заблагодарам на претседателот Трамп за неговите неуморни напори за постигнување прекин на огнот во Украина. Важно е САД да останат ангажирани. Ќе продолжиме да го поддржуваме Володимир Зеленски во постигнувањето траен мир во Украина“, напиша Фон дер Лајен на социјалната мрежа X.
Таа додаде дека, освен Зеленски, Трамп за разговорот го информирал и францускиот претседател Емануел Макрон, италијанската премиерка Џорџа Мелони, финскиот претседател Алекс Стуб и германскиот канцелар Фридрих Мерц.