Романија ги шитка вакцините, никој не сака да се боцка

Романија ќе донира или ќе препродава анти-ковид вакцини и ќе се откаже од планираното купување милиони дози, објави Министерството за здравство, откако вакцинацијата на населението е забавена бидејќи луѓето не се заинтересирани.

– Владата донесе итен указ со кој ѝ се дозволува да препродава вакцини во трета земја – рече државниот секретар Моника Алтхамер.

Во меѓувреме земјата ќе донира 151.000 дози на своите соседи Украина и Србија, како што веќе испрати во Молдавија.

Романија, која досега има добиено скоро 15 милиони дози, ќе го прекине купувањето на 4,4 милиони дози закажано за јуни.

Романскта влада на земјата со околу 19 милиони жители, си постави за цел да вакцинира пет милиони луѓе пред почетокот на јуни.

Досега, само 4,2 милиони Романци примиле две дози вакцина, помалку од една четвртина од населението.