📽️ РОДНАТА МАДЕИРА ГО ОСВЕТЛИ НЕБОТО ЗА РОНАЛДО Стотици дронови за збогум за португалскиот мајстор
Неколку часа по елиминацијата од Шпанија, небото над родниот остров на Кристијано Роналдо се претвори во светлечка почит за човекот кој испиша историја со португалскиот дрес.
Додека Роналдо со солзи го напушташе теренот по последниот мундијалски натпревар, илјадници километри подалеку неговата Мадеира подготвуваше збогување достојно за легенда. Стотици дронови го осветлија небото над островот и испратија порака на благодарност до фудбалерот кој со својата игра го прослави родниот крај низ целиот свет.
Светлосниот спектакл беше организиран во чест на најголемото име во историјата на португалскиот фудбал. Дроновите создаваа препознатливи силуети и симболи поврзани со кариерата на Роналдо, додека жителите на островот го следеа шоуто со аплаузи и емоции.
Cristiano Ronaldo’s drone farewell over Madeira, Portugal 🇵🇹 🐐 pic.twitter.com/OSL8F4iUKD
— Oyindamola🙄 (@dammiedammie35) July 7, 2026
Роналдо зад себе остава 233 настапи за португалската репрезентација и неверојатни 146 голови. Со Португалија го освои Европското првенство во 2016 година и два трофеи во Лигата на нации.
Светската титула остана неостварен сон, но почитта што ја доби од Мадеира покажа колку е големо неговото наследство.