🎥 РОДЕНДЕНСКА ПРОСЛАВА СО ПЛАМЕНА АТМОСФЕРА ВО ГРЦИЈА Свеќите од тортата го запалиле кафулето
Пожарот предизвикал паника меѓу лицата кои биле во кафулето, а во обид да го напуштат просторот, тие скршиле и неколку прозорци.
Шест лица се полесно повредени во пожар, што синоќа избувна во кафуле во центарот на Атина, а беше предизвикан од свеќи на роденденска торта, кои ги запалија новогодишните украси, јави дописничката на МИА од Атина.
Инцидентот се случил додека келнерот ја доставувал роденденска торта на која имало поставени свеќи и пиротехника од кои се запалил дел од новогодишниот декор во внатрешноста на кафулето, како и елката поставена на таванот.
Από τούρτα εκδηλώθηκε η φωτιά στο μπαρ στο Παγκράτι. Έξι άτομα μεταφέρθηκαν στον Ευαγγελισμό για τις πρώτες βοήθειες. pic.twitter.com/jRVlZzmoo9
— Dimitris Perros (@dimperros) November 24, 2024
Според грчките медиуми, била предизвикана паника меѓу лицата кои биле во кафулето, а во обид да го напуштат просторот, биле скршени неколку прозорци.
Шест лица се здобиле со полесни повреди и биле пренесени во болница.