РЕКЕТ НА ЛЕГЕНДАРНИОТ НАДАЛ Е ПРОДАДЕН ЗА РЕКОРДНИ 157.300 ДОЛАРИ Шпанецот играше со него во финалето на Ролан Гарос
Оваа цена претставува рекорд во историјата на аукциска продажба на тениски рекети.
Рекет на тенисерот Рафаел Надал е продаден на аукцијата, организирана од компанијата „Престиж меморабилија“, за рекордни 157.300 долари, објави каналот „ЕСПН“.
Со овој рекет Шпанецот играше во финалето на Ролан Гарос во 2017 година, каде што го победи Швајцарецот Стен Вавринка во 3 сета и по 10. пат во кариерата го освои турнирот.
Можеби ќе ве интересира
Цената е највисока во историјата на продажба на тениски рекети на аукција.
Претходниот рекорд му припаѓаше и на рекетот на Надал од финалниот меч на Австралија опен во 2022 година против Русинот Даниил Медведев (2:6, 6:7, 5:7, 6:4, 6:4, 7:5). Во 2023 година беше продаден на аукција „Sotheby’s“ за 139.700 долари.