📽️ РЕАКЦИЈАТА НА МЕЛОНИ ГО ЗАПАЛИ ИНТЕРНЕТОТ Вирално видео од средбата со претседателот на Мозамбик
Спонтаната реакција на италијанската премиерка за време на официјална средба предизвика лавина реакции, додека зад сцената се договараше зајакнување на билатералната соработка.
Италијанската премиерка Џорџa Мелони предизвика лавина реакции на социјалните мрежи по средбата со претседателот на Мозамбик, Даниел Чапо, која се одржа во Палацо Чиги во Рим.
Камерите го уловија моментот кога Мелони со насмевка реагираше на очигледната разлика во висината меѓу двајцата лидери, сцена која за кратко време стана вирална и се прошири на платформите ширум светот. Дел од корисниците ја оценија ситуацијата како симпатична и човечка, додека други коментираа дека токму ваквите спонтани моменти ја прават политиката поприближна до граѓаните.
View this post on Instagram
Освен виралниот момент, средбата имаше и сериозна политичка тежина. Мелони и Чапо разговарале за продлабочување на трговските односи и зајакнување на билатералната соработка меѓу Италија и Мозамбик, со фокус на економијата, инвестициите и развојните проекти.
Иако средбата со претседателот на Мозамбик ќе се памети по неочекуваниот вирален момент, пораката од Рим е јасна, Италија сака поцврсти врски со африканските партнери, а Мелони продолжува да го гради својот препознатлив политички стил и надвор од границите на земјата.