РАНО Е ДА СЕ ПОВЛЕЧАМ, ИМАМ УШТЕ МНОГУ РАБОТА Еди Рама планира да се кандидира за четврти мандат
Тука е и борбата против корупцијата, која мора да стане неповратна, а со цел да се вее нашето знаме во Брисел во текот на оваа деценија, вреди да се кандидирам за уште еден мандат. Тогаш ќе одлучат граѓаните, рече Рама.
Албанскиот премиер Еди Рама изјави дека планира да се кандидира за четврти мандат, бидејќи има уште работа, иако во претходните мандати се направени големи работи, пренесуваат албанските медиуми.
– Планот е да се кандидирам за функцијата, но дотогаш има време. Верувам дека морам да се кандидирам, бидејќи има уште работа – изјави Рама за телевизијата А2.
Рама потенцираше дека Албанија не беше ниту на мапата, а земјата беше споменувана во лош контекст. Тој додаде дека ја надминале бројката од 10 милиони туристи во земја во која туризмот беше идеја и сон, но не и реалност.
– Тука е и борбата против корупцијата, која мора да стане неповратна, а со цел да се вее нашето знаме во Брисел во текот на оваа деценија, вреди да се кандидирам за уште еден мандат. Тогаш ќе одлучат граѓаните – рече Рама.