РАКОВОДСТВОТО НА СДСМ Е СОСТАВЕНО ОД ПОТРЧКОВЦИ НА ЗАЕВ Партијата ќе биде користена како приватна фирма, обвини Лефков
Граѓаните не можат да очекуваат од СДСМ веќе ниту идеологија, ниту минимум чувство за државни интереси, рече Миле Лефков од ВМРО-ДПМНЕ.
Раководството на СДСМ е најлошиот избор составен од децата на Заев, 3 и 4 ешалон кој, само тој може да ги управува и мрежата на НВО на Сорос, обвини Миле Лефков од ВМРО-ДПМНЕ.
– Неврохирургот на Заев, Филипче, од некогаш големата СДСМ сега направи компанија која во етерот нуди извитоперени и искривени вредности. Раководството е составено од децата на Заев, негови потрчковци од 3 и 4 ешалон, кои само тој може да ги управува и разни поранешни НВО активисти. Граѓаните не можат да очекуваат од СДСМ веќе ниту идеологија, ниту минимум чувство за државни интереси. СДСМ ќе биде користена како приватна фирма за интересот на поединци, а пред сѐ за интересот на Зоран Заев и неговиот неврохирург Венко Филипче – рече Лефков.
Целото раководство на СДСМ, додаде тој, се луѓе кои биле извршители на политиките на Заев како министри, државни секретари или директори.
– Сегашното раководство на СДСМ е виновно и за загадениот воздух, за кој 7 години не презема ниту една мерка, и за лошото здравство и за немањето инвестиции во инфраструктурата и за целата стагнација на државава изминативе 7 години. Раководството на СДСМ ја заглави државата, сега ќе го заглави и СДСМ – рече Лефков.