РАЈО И ДИМИТРИЕВСКИ НЕ НАПРАВИЈА ЧУДО Бетис обезбеди финале во Кралскиот куп

Македонскиот репрезентативен голман Столе Димитриевски не успеа со мадридски Рајо Ваљекано по прв пат во клупската историја да избори пласман во шпанскиот Кралски куп, откако со вкупен резултат 3-2 беше елиминиран од Бетис, по синоќешното реми 1-1 на гостински терен.

Димитриевски остана на клупа за резерви во дуелот во кој Рајо Ваљекано поведе во 80-та минута со голот на Бебе, а Бетис обезбеди финале преку Борха Иглесиас во судиското продолжение.

Бетис во финалето на 23 април во Севиља ќе игра против Валенсија.

За Бетис ова е прво финале во Кралскиот куп по пауза од 17 години, додека Валенсија по 17-ти пат ќе игра за трофејот, кој последен пат го освои пред три години.