ПУТИН ПОТПИША ДЕКРЕТ Нови 137.000 војници ќе ѝ служат на Русија

Претседателот на Русија, Владимир Путин денеска го потпиша указот за зголемување на бројот на вооружените сили на Русија за 137.000 војници, со што нивниот вкупен број ќе изнесува 1.150.628 лица, јавува Нова.

„Одредете ја официјалната сила на вооружените сили на Руската Федерација на 2.039.758 луѓе, од кои 1.150.628 се војници“, се наведува во декретот.

Документот е објавен на официјалниот портал за правни информации. Според претходната уредба од 17 ноември 2017 година, во вооружените сили на Русија биле ангажирани 1.902.758 лица, од кои 1.013.628 биле војници.