📽 „ПУТИН НЕ СЕ СПРЕМА ЗА МИР“ Русија го бомбардираше Киев со ракети, девојче е тешко рането

Во руски ракетен напад врз украинскиот главен град Киев денеска загина еден човек, изјави градоначалникот Виталиј Кличко.

„Најмалку тројца се ранети“, објави Кличко на Телеграм.

Помеѓу повредените има 9-годишно девојче. Двајца од повредените се пренесени во болница.

Шефот на претседателската канцеларија на Украина, Андриј Јермак, претходно изјави дека ракетните и воздушните одбранбени системи околу Киев се активни.

Претседателот на Украина, Володимир Зеленски, денеска изјави дека “само силни чекори и притисок врз Москва можат да ја сопрат Русија“ и повика на единство и поддршка од сите партнери на Украина „во соочувањето со руската агресија“.

„Овој руски терор против Украина нема да престане сам по себе. Путин не се подготвува за мир – тој продолжува да убива Украинци и да уништува градови. Само силни чекори и притисок врз Русија можат да го запрат овој терор. Во моментов ни требаат единство и поддршка од сите наши партнери во борбата за праведен крај на оваа војна“, објави Зеленски на Телеграм.

Во текот на ноќта во Киев се слушнаа серија експлозии, а ПВО предупреди на можна употреба на балистичко оружје.

Нападот предизвика штети и пожари во најмалку 4 области на главниот град, според украинската државна служба за вонредни состојби.

One dead and 4 wounded, including a child, due to a Russian missile attack on Kyiv at night

Part of the capital is without power. the liquidation of the consequences of the morning Russian massive missile attack continues.

Rescuers continue to extinguish a fire in a… pic.twitter.com/MQjk5nIkOe

— NEXTA (@nexta_tv) February 12, 2025