„ПУМА“ СТАНУВА КИНЕСКИ БРЕНД Компанијата „Анта спортс“ ќе купи 29,06% од акциите на германскиот бренд

Кинески бренд за спортска облека „Anta Sports Products“, потврди дека ќе купи 29,06% од акциите на „Пума“ од семејството Пино за 1,5 милијарди евра, што ќе ги направи Кинезите најголем акционер на германскиот производител на спортска облека.

Со цел да го прошири своето присуство на меѓународните пазари, „Анта спортс“ ќе преземе приближно 29% од акциите на „Пума“, кои досега му припаѓаа на холдинг компанијата на францускиот милијардер Франсоа Пино, сопственик на Kering (Gucci, Saint Laurent), кој беше главен акционер на „Пума“.

Според договорот, Anta, која вреди 27,8 милијарди долари, ќе купи нешто повеќе од 43 милиони акции на Puma, по цена од 35 евра по акција.

Се очекува договорот да ѝ помогне на „Пума“ да ја зголеми продажбата на профитабилниот кинески пазар и да ѝ помогне на Anta „понатамошно да го зајакне своето присуство и препознатливоста на брендот на глобалниот пазар за спортска опрема“.

Компанијата, која има искуство во стекнување и реновирање на западните спортски и лајфстајл брендови, верува дека „Пума“ би можела да ја зголеми својата меѓународна конкурентност.

-Веруваме дека цената на акциите на „Пума“ во последните неколку месеци не го одразува целосно долгорочниот потенцијал на брендот – рече Анте Динг Шижонг, извршен директор.

„Анта“ е сопственик на Фила, Џек Волфскин, Колон Спорт и Маја Актив. Таа е исто така најголем акционер на Амер Спортс, во кој се вклучени Саломон, Вилсон, Пик Перформанс и Атомик.