ПУКОТНИЦИ ВО ЧАЈЏИЛНИЦА ВО ЧАИР Еден загинат, двајца повредени

„Во СВР-Скопје е пријавено пукање со огнено оружје во чајџилница на Ул. Браќа Реџепагиќ во Скопје, при што се повредени три лица“, објавија од МВР.

442

Едно лице е убиено, а три се повредени откако вчера во угостителски објект на улица Браќа Реџепагиќ во Скопје две лица пукале со автоматско оружје.

Како што информираат од Министерството за внатрешни работи, Ј.И.(47) од Скопје бил пренесен во Комплексот клиники „Мајка Тереза“, каде што околу 22:20 часот починал, додека М.А.(43) и Л.Ш.(42) од Скопје биле пренесени во Градската општа болница „Св.Наум Охридски“ за укажување на лекарска помош, а во Комплексот клиники „Мајка Тереза“ со повреди – исекотини на раката бил донесен А.И.(30) од Скопје.






Случајот бил пријавен во СВР Скопје околу 21:40 часот.

„Увид на местото извршиле полициски екипи и се преземаат мерки за пронаоѓање на сторителите и за расчистување на случајот“, се наведува во соопштението од МВР.

Од Јавното обвинителство денеска информираа дека јавниот обвинител издал наредби за прибирање и анализа на трагите пронајдени на лице место, како и наредба за обдукција на починатиот.

„По наредба на јавниот обвинител обезбедени се снимките од видео надзорот на околните објекти. Се работи на утврдување на идентитетот на сторителитe“, се наведува во соопштението од Јавното обвинителството.

ТВ Шења објави дека и братот на загинатиот во вечерашната престрелка наводно бил убиен за време на Рамазан минатата година.

Поврзани содржини