📽️ ПУКАЊЕ НА ФЕСТИВАЛ ЗА ХРАНА ВО СИЕТЛ Две лица загинаа, меѓу ранетите и двегодишно дете
Две лица загинаа, а најмалку петмина се повредени, меѓу нив и двегодишно дете, во вооружен напад на популарниот фестивал „Bite of Seattle“, додека полицијата трага по сторителот.
Две лица загинаа, а најмалку петмина се повредени во пукање што се случи во неделата вечер по локално време на популарниот фестивал за храна „Bite of Seattle“ во комплексот „Seattle Center“. Меѓу повредените има и двегодишно дете, а полицијата соопшти дека спроведува истрага за инцидент со повеќе жртви и ги повика граѓаните да го избегнуваат тоа подрачје, пренесува Би-Би-Си.
Противпожарната служба на Сиетл потврди дека две лица починале на местото на настанот. Петмина побарале лекарска помош.
Во тешка состојба е 56-годишна жена, која е пренесена во болница. Двегодишното момче е во стабилна состојба и исто така е хоспитализирано. Во болница се пренесени и 39-годишна жена и 23-годишен маж, кои се во стабилна состојба. Една 40-годишна жена се здобила со полесни повреди и одбила болничко лекување.
Пукањето се случило околу 18 часот по локално време, за време на годишниот фестивал кој секоја година привлекува стотици илјади посетители.
BREAKING: Several people shot at Seattle Center in Washington state – police pic.twitter.com/crktNN4hxz
— BNO News (@BNONews) July 27, 2026
Очевидци за локалните медиуми изјавиле дека најпрво слушнале неколку силни истрели, а потоа звук кој наликувал на рафална стрелба.
– Прво помислив дека станува збор за огномет, а потоа сите одеднаш почнаа да трчаат покрај нас – изјавил еден посетител.
Еден од угостителите кој работел на фестивалот за Seattle Times рекол дека слушнал повеќе истрели „во ист момент“ и видел испаничени родители како ги земаат своите деца и трчаат кон излезите.
Тој додал дека децата плачеле, а на местото на настанот настанала општа паника. Снимките објавени на социјалните мрежи покажуваат луѓе како прескокнуваат огради и бараат засолниште во фоајето на блиската кула „Space Needle“.
На местото на нападот бил распореден голем број полицајци и екипи на итната помош. Фотографиите покажуваат припадници на полицијата во тактичка опрема како го обезбедуваат просторот околу напуштените штандови со храна.
WATCH: Moment gunshots fired at Seattle Center near iconic Space Needle pic.twitter.com/ZlmQTYmUiA
— Intel Point Alert (@IntelPointAlert) July 27, 2026
Медицинскиот центар „Harborview“, каде што се згрижени дел од повредените, вовел делумна блокада.
Портпаролот на болницата објаснил дека мерката е воведена во договор со полицијата за да се заштитат жртвите и нивните семејства.
WATCH: Gunshots heard, people fleeing during shooting at Bite of Seattle food festival. https://t.co/6SZLNb6R3r pic.twitter.com/zoi61bMYhS
— Noteworthy News (@newsnoteworthy) July 27, 2026
Во болницата се лекуваат четири лица, а потврдено е дека двегодишното дете е во стабилна состојба.
Останатите пациенти се две жени и еден маж, кои исто така се во стабилна состојба, при што една од жените е подложена на операција.
Од болницата соопштија дека не очекуваат прием на нови пациенти поврзани со нападот.
Полициската истрага е во тек, а засега не се објавени информации за евентуалниот напаѓач или осомничени лица.