ПРВ МАКЕДОНЕЦ КОЈ ЌЕ ОДИ НА 24 ЛЕ МАН Мотоциклистот Бузалковски ќе настапи на најтешката мото-трка во светот
Мојата цел ќе биде да се прилагодам на моторот со кој што ќе возам, и секако да се квалификувам на најтешката трка на светот. Подготовките веќе се во тек, и се надевам дека се ќе биде како што треба, изјави Бузалковски.
Македонскиот мотоциклист Христијан Бузалковски оваа сезона ќе дебитира во најтешката трка од Светскиот шампионат по издржливост „World Endurance Championship“.
Бузалковски е првиот Македонец кој доби понуда да учествува на ваква трка од светски размер.
– Навистина е огромна чест кога знаете дека сте во тим кој ќе настапува на светски шампионат. На легендарната трка „24 часа Ле Ман“ да го видиме Македонското знаме е навистина чест, но и голема одговорност. Мојата цел ќе биде да се прилагодам на моторот со кој што ќе возам, и секако да се квалификувам на најтешката трка на светот. Подготовките веќе се во тек, и се надевам дека се ќе биде како што треба – изјави Бузалковски.
Бузалковски упати благодарност до Карел Пешек и тимот uniservmoto82team за шансата која му ја дадоа, како и најголема благодарност до неговиот официјален спознор, неговиот тим @team_seventy_one , до министерството за спорт и до сите спонзори кои што несебично го поддржуваат.
View this post on Instagram
Годинава трката ќе се вози на 14/15 јуни и ќе биде 93-то нејзино издание.