📽️ ПРОТЕСТИ ГО ПАРАЛИЗИРАА ИЗРАЕЛ Илјадници против Нетанјаху, бараат прекин на огнот со Хамас
Нетанјаху под притисок, протестите растат, додека Хамас најавува подготвеност за примирје според новиот меѓународен план.
Десетици илјади Израелци денеска излегоа на улиците во повеќе градови низ земјата, барајќи итно ослободување на заложниците од Појасот Газа и прекин на огнот. Демонстрации и блокади на патишта беа организирани на повеќе локации, при што главниот автопат во близина на Тел Авив беше блокиран, а северно од крајбрежниот град демонстрантите палеа гуми.
Организатор на протестите е Форумот на заложници и исчезнати семејства, кој ги повика граѓаните на масовна мобилизација под слоганот „Израел стои заедно“. Голем централен протест е најавен за вечерва на плоштадот во центарот на Тел Авив, каде што се очекува силна поддршка за семејствата на заложниците.
We are NOT our government!
Once again, this morning, Israelis flood the streets, blocking all major highways and blocking the homes of the war criminals – the illegal Israeli government.
End the war now!
Bring them home now!
Stop the atrocities in Gaza now! pic.twitter.com/w2E24VYp4j— Ami Dror 🇮🇱 עמי דרור (@AmiDror) August 26, 2025
Демонстрантите остро го обвинија премиерот Бенјамин Нетанјаху дека намерно ја продолжува војната од политички причини. Според нив, неговите крајнодесничарски коалициски партнери, од кои зависи неговата власт, жестоко се спротивставуваат на секој обид за постигнување примирје.
Протестите следат откако пред нешто повеќе од една недела стотици илјади Израелци излегоа на улиците во знак на солидарност со семејствата на заложниците. Сè уште се смета дека во Газа има околу 50 заробени лица, од кои околу 20 се живи.
Thousands of Israelis are blocking all major highways today demanding:
✊ End the war!
✊ Bring them home!
✊ End the Gaza atrocities!We are not our government!
🎥 Yair Palti pic.twitter.com/i4oaBM3zzj— Ami Dror 🇮🇱 עמי דרור (@AmiDror) August 26, 2025
Во меѓувреме, исламистичката организација Хамас објави дека ја прифатила најновата верзија на предлогот за прекин на огнот, изготвен со посредство на Египет и Катар. Според медиумските извештаи, планот предвидува 60-дневен прекин на огнот, во рамките на кој би биле ослободени првично десет живи заложници во замена за палестински затвореници.