ПРИВЕДЕНО ЛИЦЕ ЗА ОБЉУБА И ЗА ДРОГА Кривична пријава за 43-годишен жител на Радовиш

43-годишниот С.И. од Радовиш е осомничен дека извршил обљуба врз жителка на Радовиш.

Вчера полициски службеници од Секторот за внатрешни работи Струмица-ОВР Радовиш го лишиле од слобода, поради сомнение дека извршил кривично дело.

„Полицијата презела брзи мерки по добиената пријава, и во текот на постапката бил извршен претрес во домот на осомничениот, при што била пронајдена зелена растителна материја, која ќе биде предмет на дополнителна анализа“, велат од полицијата.

Лицето било задржано во Полициската станица Радовиш, а по извршените проверки, против него ќе биде поднесена соодветна пријава согласно насоките од јавниот обвинител од Основното јавно обвинителство Струмица.