📽️ ПРИВАТЕН АВИОН СЕ УРНА ПРЕД ГЛЕДАЧИТЕ Трагедија среде авионско шоу во Франција
Првично беше објавено дека пилотот, роден во 1959 година, е исчезнат, но неговото тело беше пронајдено во морето кратко по трагедијата.
Приватен авион „Фуга Мажистер“ денеска се урна во Средоземното Море, во близина на француското крајбрежје, за време на авионско шоу. Пилотот загина, соопштија локалните власти.
Првично беше објавено дека пилотот, роден во 1959 година, е исчезнат, но неговото тело беше пронајдено во морето кратко по трагедијата.
Авиошоуто беше дел од одбележувањето на 80-годишнината од сојузничкиот десант во Прованса.
Француските воздухопловни сили потврдија дека авионот што се урнал бил во сопственост на приватна асоцијација.
„Пилотите и целата заедница на воздухопловните сили сакаат да ја изразат својата солидарност во овој тежок момент“, се наведува во соопштението.
Локалните медиуми пишуваат дека урнатиот авион е колекционерски „Фуга Мажистер“, кој се користел во 1950-тите години и бил познат по својата голема способност за маневрирање.
Несреќата се случи само два дена по судирот на два француски воени авиони во источниот дел на земјата, при што загинаа двајца војници.
🚨 [edit] FLASH : Un Fouga Magister de la Patrouille Tranchant s’écrase en mer au #Lavandou !
Cet après-midi, un avion Fouga Magister de la Patrouille Tranchant s’est écrasé en mer lors d’un spectacle aérien au Lavandou, dans le Var, à l’occasion des célébrations du 80e… pic.twitter.com/CrRK0smPnU
— Jérémy Lavergne (@lavergnej69) August 16, 2024