ПРЕЗАКАЖАН КОНЦЕРТОТ НА МАРИЈА ШЕРИФОВИЌ Трагедијата во Нови Сад го одложи настапот во Скопје

Концертот на српската пејачка Марија Шерифовиќ што требаше да се одржи утре е презакажан за 10 ноември поради несреќата што денеска се случи во Нови Сад, информираа од продукциската куќа „Прагма“.

„Поради страшната несреќа која што се случи денеска во Нови Сад и прогласените денови на жалост во Србија, Ве известуваме дека концертот на Марија Шерифовиќ се презакажува за 10 ноември (недела), стои во соопштението“.

Купените билети ќе важат за новиот датум.

Концертот ќе се одржи во Арена Борис Трајковски.

Во несреќата на железничката станица во Нови Сад каде се урна бетонска настрешница  загинаа 13 лица. Во Србија утре е прогласен ден на жалост.